202-с микрооройуоҥҥа баар пляж арылынна

202-с микрооройуоҥҥа баар пляж Дьокуускай дьаһалтатын быһаарыытынан от ыйын 11 күнүттэн үлэтин саҕалаата. Ол курдук, уу уонна кумах ылан, анаалыстаатылар. Туох баар ирдэбилгэ барытыгар эппиэтиир.

«Дьокуускай куорат пляһыгар куттал суох буолуутун хааччыйдылар», — диэн дьаһалта пресс-сулууспата иһитиннэрэр. Манна куорат баанньыктарын дьаһайар тэрилтэ эппиэтинэстээх. Салайааччы Василий Поскачин этэринэн, пляжтан бөҕү таһаардылар, уопсастыбаннай туалет, таҥас уларыттар кабинка туруордулар. Пляжка видеокамералар бааллар. Быыһааччылар пляжка дьуһуурустубалыыллар. Ону таһынан чааһынай харабыл тэрилтэтэ харабыллыыр.