2020 сылга демографияны тупсарыыга 400 тахса миллиард наада

Россия бэрэсидьиэнэ Владимир Путин Федеральнай мунньахха Анал туһаайыытыгар эппит демографияны тупсарыыга миэрэлэри олоххо киллэриигэ 400-450 млрд солкуобай наада буолуоҕа. Бу туһунан дойду үпкэ миниистирэ Антон Силуанов эппит.

«Быйыл 400-450 млрд солк., эһиил өссө элбэх наада буолуоҕа», — диэбит кини.

Сыллата туһаайар 16-с этиитигэр Россия бэрэсидьиэнэ дойду бүгүҥҥү балаһыанньатыгар сыанабыл биэриэ уонна сүрүн кэскиллээх соруктарга көрүүтүн үллэстэр. Сүрүн болҕомто нэһилиэнньэ дохуотун таһымын үрдэтии боппуруоһугар ууруллар.