2020 сылга Ньурбаҕа маҥнайгы «Цифровой үөрэхтээһин киинэ» аһыллыа

«Үөрэхтээһин» национальнай барыл чэрчитинэн, 2022 сылга диэри Саха сирин 300 кэриҥэ үөрэх кыһата «Цифровой үөрэх эйгэтэ» өрөспүүбүлүкэтээҕи бырайыакка кыттыһыа. Бу туһунан СӨ үөрэҕирии министиэристибэтин пресс-сулууспата иһитиннэрэр.

Бырайыак чэрчитинэн үөрэх кыһалара материальнай-техническай базалара сөргүтүллүө, түргэн уонна босхо интернет ситиминэн хааччыллыахтара, ону тэҥэ аныгылыы үөрэхтээһин бырагыраамата олохтонуо.

Оҕолору уһуйар үс цифровой үөрэхтээһин киинэ аһыллаа былааннанар: 2020 сылга Ньурба улууһугар «IT-куб», 2021 сылга Дьокуускай куоракка уонна 2022 сылга Мииринэй улууһугар.

Инники этиллибитинэн, маннык хабааннаах кииннэри арыйыыга судаарыстыбаннай уонна өрөспүүбүлүкэ хааһыналарыттан, ону тэҥэ атын үбүлээһинтэн 43,6 мөлүйүөн солкуобай көрүллүбүтэ.