2020 сылга Орто Халыма улууһун 35 дьиэ кэргэнин хаарбах дьиэттэн көһөрүөхтэрэ

32 дьиэ кэргэн дьиэ атыылаһарыгар компенсация уонна үс дьиэ кэргэҥҥэ РФ бэрэсэдьиэнэ Владимир Путин бигэргэппит «Жилье и городская среда» национальнай бырайыак чэрчитинэн кыбартыыра биэриэхтэрэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Маны тэҥэ биэс сыл иһигэр 820 киһини көһөрүү былааннанар. Бу быһа холоон 300 дьиэ кэргэн. Бу бырагырааманан 2021 сылга дьиэ тутууга куонкурустар 2020 сыл күһүнүгэр ыытыллыахтара.

«30-туу кыбартыыралаах 10 таас дьиэ тутуллара былааннанар. 31 хаарбах уонна аварийнай туруктаах дьиэлэр көтүрүллүөхтэрэ», — диэтэ Орто Халыма улууһун баһылыга Евгений Слепцов.