2020 сылга Саха сиригэр инфляция көрдөрүүтэ 3,2 % тэҥнэстэ

2020 сылга өрөспүүбүлүкээҕ инфляция көрдөрүүтэ 3,2 % тэҥнэстэ. Бу туһунан өрөспүүбүлүкэҕэ сыана политикатын судаарыстыбаннай кэмитиэтин бэрэссэдээтэлэ Антонина Винокурова иһитиннэрдэ.

«Бу Уһук Илиҥҥи региоҥҥа саамай намыһах көрдөрүү», — диэтэ кини.

Антонина Винокурова этэринэн, коронавирус ыарыыта саҕаланыаҕыттан, оҕуруот аһыгар уонна фруктаҕа сыана үрдээн барбыта, онон сыана эбиллибитэ.

«Муус устарга чеснок, имбирь уонна лимон хамаҕатык атыыламмыта. Онтон мааска аҕыйаҕын кыһалҕата үөскээбитигэр онно эбэжр туһунан быһаарыы ылыныллыбыта. Ол кэннэ маасканы оҥорон таһаарыы үлэтэ көнөн, сыана чөлүгэр түспүтэ», — диэтэ кини.