2020 сылга тыа сирин сайыннарыыга 100 мөл. солк. кэриҥэ үп көрүллүөҕэ

2020 сылга тыа сирин тупсарыыга өрөспүүбүлүкэ бүдьүөтүттэн 100 мөлүйүөн солкуобай кэриҥэ үп көрүллүөҕэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

«Саха сирин 70 нэһилиэктэригэр сынньалаҥ сирдэрин, спортивнай, оҕо оонньуур, доруобуйаларынан хааччахтаах дьон физкультуранан уонна адаптивнай спордунан дьарыктанар былаһааккалары тэрийиигэ уонна тупсарыыга өрөспүүбүлүкэ бүддьүөтүттэн 90,9 мөлүйүөн солкуобай ыытыллыаҕа», – диэн этиллэр.

Бэриллибит үбүнэн тротуардары, уу түһэр ханаалларын, территориялары сырдатыы, айылҕа ландшафтарын уонна пааматынньыктарын чөлүгэр түһэрии уонна өрөмүөнүн оҥоруу былааннанар.

Тэрээһиннэр «2020 — 2025 сылларга тыа сирин комплекснай сайдыыта» өрөспүүбүлүкэтээҕи судаарыстыбаннай бырагыраама чэрчитинэн ыытыллаллар.