2021-2024 сылларга Саха сиригэр 24 хочуолунай тутуллара уонна саҥардыллара былааннанар

2021-2024 сылларга Горнай, Мэҥэ Хаҥалас, Чурапчы уонна Өлүөхүмэ улуустарыгар барыта 24 хочуолунай тутуллара уонна техничексэй өттүнэн саҥардыллара күүтүллэр. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

СӨ ОДьКХ уонна энергетика миниистирэ Вячеслав Емельянов Ил Дархан Айсен Николаев кыттыылаах, Саха сирин гаастааһын боппуруостарынан ыытыллыбыт мунньахха өрөспүүбүлүкэ хочуолунайдарын 33 %-на гаас оттугунан, 49 %-на — таас чоҕунан оттулларын иһитиннэрдэ.

Ону тэҥэ автономнай гаастааһын пилотнай нэһилиэнньэлээх пуунугар — Хачыкаатка 2021 сылга айылҕа гааһын тутар, харайар уонна туһаныыга бэлэмниир пууну тутуу уонна хочуолунай техническэй уларытыытын түмүктээһин ыытыллыахтааҕын эттэ.

Кэнэҕэскитин өрөспүүбүлүкэ аҕыс улууһугар 48 ититии эбийиэгин гааска көһөрүөххэ сөбө бэлиэтэнэр. Эбийиэктэр испииһэктэрэ уларыйыан сөп, онуоха хочуолунайдары гаас оттукка көһөрүү экономическэй өттүттэн тоҕоостооҕуттан тутулуктаах.

2019-2020 сылларга Мэҥэ Хаҥалас уонна Чурапчы улуустарыгар аҕыс хочуолунайы тутуу уонна гаас оттукка көһөрүү ыытыллыбыт.