2021 сылга Саха сиригэр 36 үөрэх кыһата тутуллуоҕа

2021 сылга өрөспүүбүлүкэҕэ барыта 20 оҕо уһуйаана уонна 16 оскуола тутуллуоҕа. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Ил Дархан Айсен Николаев бэлиэтииринэн, үөрэх тэрилтэлэрин бырайыактааһыҥҥа уонна тутууга куттал суох буолуутугар, табыгаска, экологияҕа ураты болҕомто ууруллар.

«Өктөмҥө наука алын академиятын үөрэнэр корпуһа, Саха сирин 19 улууһугар 16 оскуола уонна 20 оҕо уһуйаана тутуллара былааннанар», — диэн Айсен Николаев эттэ.