2021 сылга 500 мөл. солк. Саха сирин инфраструктуратын сайыннарар бырайыактарга көрүллүөҕэ

2021 сылга өрөспүүбүлүкэҕэ уопсастыбаннай эбийиэктэр инфраструктураларын сайыннарар бырайыактар субсидияларыгар судаарыстыбаннай бүддьүөт уопсайа 500 мөлүйүөн солкуобайы көрүөҕэ. Бу туһунан СӨ үбүн министиэристибэтин пресс-сулууспата иһитиннэрэр.

Нэһилиэнньэлэр уонна куорат таһынааҕы сэлиэнньэлэр, маны таһынан улуустар биир бырайыактарын өйөбүлүгэр көрүллэр харчы 1,5 мөлүйүөн солкуобайтан аһары барыа суоҕа, куорат уокуруктарыгар — үс мөлүйүөн солкуобай. Көҕүлээһин бырайыактарын талыы бастакытын онлайн эрэһииминэн, социальнай ситимнэр уонна «One Click Yakutia» платформа көмөтүнэн ыытылынна. 38 тыһыынча кэриҥэ Саха сирин олохтооҕо онлайн-мунньахха кыттыыны ылла.

Көҕүлээһин бырайыагын үбүлээһиҥҥэ 480 сайаапкаттан, 471 сайаапка ааста.

Кыайыылаахтары талыы автоматизированнай эрэһииминэн ыытыллара бэлиэтэнэр, манна «One Click Yakutia» платформа анал бырагырааматын комплекса туһанылынна. Муниципальнай тэриллиилэр дааннайдарын бэйэлэрэ киллэрбиттэрэ.