2021 сылга Батамай сэлиэнньэтигэр үүт сыаҕа тутуллара былааннанар

2021 сыл бастакы аҥарыгар Ленскэй оройуонун Батамай сэлиэнньэтигэр сыыр соҕотуопкалыыр үүт саҥа сыаҕа үлэҕэ кириэҕэ. Бу туһунан улуус дьаһалтата иһитиннэрэр.

Улуус баһылыга Жумарт Абильманов этэринэн, уопсай маассаттан 50-60% улуус олохтоохторун бэйэ оҥорон таһаарбыт бородууксуйатынан хааччыйыы, билиҥҥи кэмҥэ сүрүн сорук буолар.

«Билиҥҥи туругунан, Батамай сэлиэнньэтигэр 250 төбөҕө аналлаах аныгы ньирэй хотонун тутуута ыытылла турар. Маны тэҥэ, 16-17 көрүҥ үүт бородууксуйата оҥоһуллар, сыыр соҕотуопкалыыр үүт сыаҕын тутуута саҕаланна», — диэтэ улуус баһылыга.

«Батамай» хааччахтаммыт эппиэтинэстээх тэрилтэҕэ сыл аҥарынан барыска тахсар сорук турар.

 Ленскэйдээҕи Тыа хаһаайыстыбатын дьаһалтата 2020 сылга СӨ Тыатын хаһаайыстыбатын министиэристибэтин бырагыраамаларыгар кытынна, өрөспүүбүлүкэ бүддьүөтүттэн 27 мөлүйүөн солкуобайы сүөһү аһылыгар, хотон тутуутун ороскуотун сорох чааһын сабарга, ынах-сүөһү хаһаайыстыбатын үбүлээһиҥҥэ уонна холмоҕуор боруодалаах ынахтары атыылаһыыга ылла.