2021 сылга биэнсийэ 6,3 %-н индексацияланыаҕа

Россия бэрэсидьиэнэ Владимир Путин Кремльга сенатордары кытта көрсүһүү кэмигэр биэнсийэ индексацияланарын туһунан иһитиннэрдэ.

«Кэлэр сылга Россияҕа биэнсийэ 6,3 %-нан үрдүөҕэ, ол 2021 сылга сабаҕаланар инфляцияттан балтараа төгүл үрдүк», — диэн дойду баһылыга эттэ.

Социальнай страховкалааһын пуондата уонна биэнсийэ пуондатын дохуоттара төһө да аччаабытын иһин, нэһилиэнньэни өйүүр эбэһээтэлистибэлэр бары толоруллуохтара диэн дойду баһылыга бэлиэтээтэ.