2021 сылга диэри оскуолаларга маассабай тэрээһиннэри ыытыы бобуллар

2021 сыл тохсунньу 1 күнүгэр диэри Россия үрдүнэн оскуолаларга маассабай тэрээһиннэри ыытыы боббуллар. Бу туһунан ТАСС тириэрдэр.

Россия үөрэххэ миниистирэ Сергей Кравцов үөрэх дьыла балаҕан ыйын 1 күнүттэн үгэс буолбут быһыынан «тустаах корректировкалардаах» саҕаланарын туһунан иһитиннэрдэ.

«Оҕолор оскуолаҕа баралларын туһугар туох ирдэнэрин барытын билигин оҥоробут: оскуолалар өрөмүөннэрэ ыытыллар, үөрэх тэрилтэлэрин дезинфекция өттүттэн бэлэмнээһин ыытыллар, онон балаҕан ыйын 1 күнэ үгэс буолбут быһыынан саҕаланыаҕа», – диэн миниистир эттэ.

Былаас уорганнара үрэх хаамыытын тэрийии саҥа балаһыанньаларын бэлэмнээтилэр.

Коронавирус усулуобуйатыгар оҕолор уонна эдэр ыччат үөрэҕин тэрилтэлэрин үлэлэрин санитарнай-эпидемиологическай быраабылаларын бигэргэтэр уураах от ыйын 3 күнүгэр Роспотребналзор баһылыгынан бигэргэммитэ. Бу быраабылалар 2021 сыл тохсунньу 1 күнүгэр диэри үлэлиэхтэрэ.

Сүрүн ирдэбиллэргэ оҕолор уонна улахан дьон температуураларын кэмнээһин көрдөрүүлэрин уонна ОРВИ сибикитин анал сурунаалга киллэрии, 1,5 миэтэрэлээх социальнай арыты тутуһуу, араас бөлөхтөрү, кылаастары, этэрээттэри тус-туспа тутуу уонна оскуолаларга маассабай тэрээһиннэри ыытыны бобуу киирэллэр.