2021 сылга Дьокуускайга 48 килэмиэтир суолу өрөмүөннүөхтэрэ

Россия бэрэсидьиэнэ Владимир Путин көҕүлээһининэн үлэлиир «Куталла суох уонна хаачыстыбалаах айан суоллара» национальнай бырайыак чэрчитинэн 2021 сылга Дьокуускайга 48 килэмиэтир кэриҥэ суол өрөмүөннэниэҕэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Икки сыл устата өрөспүүбүлүкэ киин куоратыгар киэҥ хабааннаах суолу тутуу, хапытаалынай өрөмүөн уонна реконструкция үлэлэрэ ыытылыннылар. 2021 сылга куорат салалтата 48 килэмиэтир кэриҥэ усталаах уулусса суолун саҥардыы уонна хапытаалынай өрөмүөннээһин үлэтин былаанныыр », — диэн этиллэр.

«Куталла суох уонна хаачыстыбалаах айан суоллара» национальнай бырайыагы олоххо киллэри чэрчитинэн 2019-2024 сылларга Дьокуускайга уопсайа 204,5 килэмиэтир суол оҥоһуллуохтаах. Ол түмүгэр киин куорат 85 %-н суола нуормаҕа эппиэттиир турукка киллэриллиэҕэ.