2021 сылга оҕо уһуйааннарыгар эбии 177 тыһ. тахса миэстэ тахсыахтаах

Россия бэрэсидьиэнэ Владимир Путин Федеральнай мунньахха Анал этиитигэр оҕо уһуйааннарыгар эбии 177 тыһыынчаттан тахса миэстэ тахсыахтааҕын туһунан эттэ.

Федеральнай бүддьүөттэн регионнарга 2021 сыл бүтүөр диэри саҥа 255 тыһыынча миэстэ таһаарарга үп көрүллүбүт. Ол эрээри 2018-2019 сылларга 90 тыһ. миэстэ оннугар 78 тыһ. оҥоһуллубут. Олортон 37,5 тыһ. миэстэ арыллыбыт, атыныгар лицензия ылылла илик.

«Ол аата биһиги 77,7 тыһ. миэстэ таһаардыбыт. Мантан аҥаарыгар оҕолору ылар кыахпыт суох. 2021 сыл бүтүөр диэри 177,3 тыһ. миэстэ тахсыахтаах», — диэтэ Владимир Путин субъектар баһылыктарыгар уонна губернатордарыгар туһаайан.

Сыллата туһаайар 16-с этиитигэр Россия бэрэсидьиэнэ дойду бүгүҥҥү балаһыанньатыгар сыанабыл биэриэ уонна сүрүн кэскиллээх соруктарга көрүүтүн үллэстэр. Сүрүн болҕомто нэһилиэнньэ дохуотун таһымын үрдэтии боппуруоһугар ууруллар.