2021 сылга ОГЭ тутула уларыйыаҕа

2021 сылга ФИПИ сүрүн судаарыстыбаннай эксээмэн тутулугар уларыйыылары бигэргэттэ. Бу туһунан «Россия хаһыата» иһитиннэрэр.

История 21 сорудаҕар үс сорудах эбиллэн 24 буолла. Бу уопсай историяҕа билиини бэрэбиэркэлиир боппуруостар буоулуохтара.

«Обществознаниеҕа» кылгас эппиэти эрэйэр сорудах ахсаана аҕыйаата, ол оннугар, көрөн толкуйдатар иһитиннэрии толору анаалыһын эрэйэр сорудахтар эбилиннилэр. Холобур, маҕаһыыҥҥа атыылаһа сылдьар дьиэ кэргэн хартыынатын көрөн экономика ханнык көрүҥэ буоларын быһаарыахтаах.

«Литератураҕа» сүрүн таһымҥа саҥа сорудах баар буола, ол курдук, айымньыттан талбыт кэрчиги анаалыстаан ырытыы.

«Английскай тылга» уларыйыы эмиэ киирдэ. Аудирование салаатыгар 11 тэттик эппиэти эрэйэр сорудахтар баар буоллулар. 35-с сорудахха, суругунан үлэ бэрэбиэркэтигэр, доҕоргор анаан электроннай сурук суруйуу киирдэ.