2021 сылга Саха сиригэр дьиэ квадратнай миэтэрэтин сыаната 30 %-нан үрдээтэ

2021 сыл саҕаланыыта дьиэ квадратнай миэтэрэтин ортотунан сыаната 106,5 тыһыынча солкуобайга тэҥнэстэ.

Бу туһунан СӨ тутуу миниистирэ Павел Кылатчанов, олунньу 13 күнүнээҕи, бырабыыталыстыба отчуотугар иһитиннэрдэ.

«2021 сыл саҕаланыыта үөрэтэн көрүү түмүгүнэн, квадратнай миэтэрэ ортотунан сыаната 106,5 тыһыынча солкуобайга тэҥнэстэ, бу былырыыҥҥыттан 30 %-нан үрдүк», — диэтэ кини.

Тутааччыларга гражданнар үптэрин кирэдьиит тэрилтэлэрин иһинэн ыытыы саҥа быраабылаларынан, иэс харчыны үлэлэтии ыарааһыныгар тиэрдэр.

Маны таһынан, биричиинэнэн сир учаастактара суоҕа, тыҥааһыннаах кэм содулугар тутуу матырыйаала ыарааһына буолар.

«Олорор усулуобуйаларын тупсарыан баҕалаахтар тутааччылартан атыылаһаллара ордук. 20-25 % араастаһыан сөп», — диэн миниистир бэлиэтээтэ.