2021 сылга Саха сирин оҕо искусствотын оскуолаларыгар 47,8 млн.солк. көрүлүннэ

2021 сылга Россия бэрэсидьиэнэ Владимир Путин көҕүлээһининэн үлэлиир «Культура» национальнай бырайыак чэрчитинэн Саха сиригэр тоҕус оҕо искуствотын оскуолата хааччыллыаҕа. Бу туһунан СӨ култуураҕа министиэристибэтин пресс-сулууспата иһитиннэрэр.

«2021 сылга оҕо искусствотын оскуолаларын хааччыйыыга 47,8 мөлүйүөн солкуобай көрүлүннэ, онтон 43,9 мөлүйүөн солкуобай — федеральнай бүддьүөттэн уонна 3,8 мөлүйүөн солкуобай өрөспүүбүлүкэ бүддьүөтүттэн. Бу үбүнэн тоҕус оҕо искусствотын оскуолата хааччыллыаҕа, онтон иккитэ Арктика улууһугар», — диэн СӨ куултуураҕа уонна духуобуйнай сайдыыга миниистирэ Юрий Куприянов эттэ.

Үөһээ Халыма улууһун оҕо искусствотын оскуолатын оборудованиенан, инструменнарынан уонна үөрэх матырыйаалларынан хааччыйыыга 4,6 мөл. солк. көрүллүбүтэ этиллэр, Дьааҥы улууһун Баатаҕайдааҕы оҕо искусствотын оскуолатыгар — 5,5 мөл. солк., Миирнэйдээҕи оҕо искусствотын оскуолатыгар — 6,4 мөл. солк., Жатайдааҕы ДШИ-га – 5 мөл. солк., А.А. Черемных аатынан Амматааҕы оҕо искусствотын оскуолатыгар — 6,6 мөл. солк., Н.И. Бойлохов аатынан Үөһээ Бүлүүтээҕи ДШИ-га — 4,6 мөл. солк. Горнай улууһан Бэрдьигэстээхтээҕи оҕо искусствотын оскуолатыгар — 4,1 мөл. солк., Хаҥалас улууһун Покровскайдааҕы оҕо искусствотын оскуолатыгар — 5 мөл. солк. уонна Ф.С. Аргунов аатынан Тааттатааҕы оҕо искусствотын оскуолатыгар — 5,5 мөл. солк. көрүлүннэ.

2023 сылга өссө аҕыс оҕо искусствотын оскуолатын уонна биир училищены хааччыйыы былааннанар.