2021 сылга Саха сирин улуустарыгар доруобуйа харыстабылын биэс эбийиэгэ тутуллуоҕа

2021 сылга өрөспүүбүлүкэҕэ доруобуйа харыстабылын биэс саҥа эбийиэгин тутуута саҕаланыаҕа. Бу туһунан СӨ доруобуйа харыстабылын миниистирэ Елена Борисова Instagram-ҥа быһа эпиир кэмигэр иһитиннэрдэ.

«2021 сылга саҥардыы бырагырааматын чэрчитинэн, өрөспүүбүлүкэ биэс улууһугар доруобуйа харыстабылын эбийиэктэрин тутары былаанныыбыт», — диэтэ кини.

Тутуу Уус Майаҕа, Муомаҕа, Тааттаҕа, Чурапчыга уонна Бүлүүгэ ыытыллыаҕа.