2021 сылга тоҕус модельнай библиотека үлэлиэҕэ

Эһиил тоҕус библиотека «Култуура» национальнай бырайыак чэрчитинэн модельнай буолуоҕа. Бу туһунан култуура министиэристибэтин пресс-сулууспата иһитиннэрэр. Ол курдук бу тэрээһини убулулээһинигэр оройуон библиотекатыгар 1,3 мөлүйүөн солкуобай, сэлиэнньэ библиотекатыгар 800 тыһыынча солкуобай көрүллүөҕэ.

«Субсидияҕа куонкурус кыайыылаахтарынан Мэҥэ Хаҥалас киин библиотеката, Үөһээ Бүлүү киин библиотеката, Өлөөн оҕолорго библиотекаҕа, Дьокуускайдааҕы 19-с «Три-Д» библиотека уонна Ленскэйгэ 1-гы оҕо библиотекатын филиала ыллылар. Ону таһынан модельнай библиотекалар Алдаҥҥа, Покровскайга, Бэрдьигэстээххэ уонна Светлэйгэ арыллыахтара. Оройуоннар уон мөлүйүөн солкуобайы, сэлиэнньэлэр биэс мөлүйүөн солкуобайы ылыахтара», — диэн иһитиннэриигэ этиллэр. Россия култуураҕа миниистирин солбуйааччы Ольга Ярилова этэринэн, Саха сирэ Уһук Илиҥҥэ модельнай библиотека тэрийиитигэр бастыҥ. Ол курдук, 2020 сылга региоҥҥа уон библиотека арыллыбыт.