2022 сылтан Россия оскуолаларыгар цифровой билим уруоктара киириэхтэрэ

2022 сылтан дойду бары оскуолаларыгар булгуччу цифровой билим уруоктара киириэхтэрин сөп. Бу туһунан ТАСС тириэрдэр.

Бу туһунан Госдума информационнай политикаҕа, информационнай технологияларга уонна сибээскэ кэмитиэтин баһылыга Александр Хинштейн иһитиннэрдэ.

«Биһиги бу уруок булгуччулаах буоларыган олоҕурабыт, тоҕо диэтэргин ханнык баҕарар оскуола оҕото, талан ылар кыах биэрдэххэ — ханнык баҕарар предметтэн аккаастанар буолуоҕа. Саҥа предмет олоххо-дьаһахха куттал суох буолуутун уруогун, эбэтэр урукку труд, билиҥҥитэ — дизайн уонна технология уруогун иһинэн киирэн биэриэн сөп», — диэн кини эттэ.

Цифровой билим уруогун туһунан санаа хайыы үйэ үөрэх уонна цифровой сайдыы министиэристибэлэрин өйөбүллэрин ылбытын бэлиэтээтэ.

Билиҥҥи кэмҥэ курс сөптөөх концепцията оҥоһуллар. Чуолаан, дьарыкка иһитиннэрии төһө чахчытын бэрэбиэркэлээһин, интернет ситимигэр куттал суох буолуутугар, цифровой гигиенаҕа үөрэтии киириэхтэрин сөп.