2023 сылга диэри Саха сирэ 30 мөлүйүөн тонна таас чоҕу хостуур буолуо

Кэлэр 15 сыл иһигэр Уһук Илиҥҥи уокурукка таас чоҕу хостооһун икки бүк кэриҥэ улаатан, 150 мөлүйүөн тоннаны куоһарыа. Бу туһунан Ил Дархан Айсен Николаев Москваҕа ыытыллыбыт дойду энергетикатын нэдиэлэтин чэрчитинэн ыытыллыбыт «Аан дойду энергетикатын сайдыыта уонна таас чох инникитэ» мунньах кэмигэр эттэ.

«Биһиги 2030-2035 сылларга Саха сиригэр таас чоҕу хостооһун 50 мөлүйүөн тоннаҕа тиийиэ диэн сабаҕалыыбыт. Ону таһынан, номнуо 2023 сылга бу көрдөрүүнэн 30 мөлүйүөн тоннаҕа тахсыахпыт», – диэн бэлиэтээтэ.

Ону тэҥэ Айсен Николаев Саха сиригэр таас чоҕу хостуур тэрилтэлэр бырайыактара сотору кэминэн олоххо киириэ диэн эрэлин эттэ.