Ил Дархан Айсен Николаев «Манчаары оонньуулара» ыытыллыыларын болдьоҕун туһунан дьаһалга илии баттаата. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.
«2025 сылга ХХII-с «Манчаары оонньуулара» национальнай спорт көрүҥнэрин спартакиадатын Таатта улууһугар ыытарга», – диэн докумуоҥҥа этиллэр.
2020 сыл балаҕан ыйын 1 күнүгэр диэри өрөспүүбүлүкэ бырабыыталыстыбатыгар тэрээһини бэлэмниир уонна ыытар тэрийэр хамыыһыйа састаабын бигэргэтэргэ сорудахтанна.
