2030 сылга диэри Саха сирин 30 нэһилиэнньэлээх пууна гаастаныа

2030 сылга диэри өрөспүүбүлүкэ 30 нэһилиэнньэлээх пууна гаастанара былааннанар. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Бүгүн, балаҕан ыйын 16 күнүгэр Ил Дархан Айсен Николаев «Газпром» ПАУо бырабылыанньатын бэрэссэдээтэлин солбуйааччыта Виталий Маркеловы кыттыылаах мунньах ыытта. Мунньах кэмигэр 2021-2025 сылларга өрөспүүлүкэни гаастааһын уонна гааһынан хааччыйыыны сайыннарыы бырагырааматын бэлэмнээһин боппуруостара көрүлүннүлэр.

Бу бырагырааманан Алдан, Ленскэй, Өлүөхүмэ уонна Нерюнгри оройуоннарын 21 нэһилиэнньэлээх пууннарын гаастааһын саҕаланара былааннанар.

«Алдан уонна Өлүөхүмэ курдук улахан нэһилиэнньэлээх пууннар гаастаныахтара, ону тэҥэ Чульман хочуолунайа гааска көһөрүллүө. 2030 сылга диэри бырагыраамаҕа бэлиэтэммит 30 нэһилиэнньэлээх пууну гаастааһын түмүктэнэрэ былааннанар», — диэн Айсен Николаев эттэ.

Бу бырагыраама олоххо киириитигэр «Газпром» ПАУо өттүттэн боччумнаах үбүлээһин күүтүллэрин бэлиэтээтэ. Өрөспүүбүлүкэ өттүттэн эмиэ хос үбүлээһин былааннанар.