300-тэн тахса оскуола дистанционнайдык үлэлиир

Саха сирин 316 оскуолатыгар дистанционнайдык үөрэтэллэр. Бу туһунан үөрэх министиэристибэтин пресс-сулууспата иһитиннэрэр.

«127 оскуола уруккутун курдук, 181 оскуола очнай-заочнай, 316 оскуола дистанционнайдык үөрэтэр. Дьокуускай 1-гы нүөмэрдээх оскуолатыгар биир кылаас сабыылаах», — диэн иһитиннэриигэ этиллэр.

Тымныыларынан сибээстээн 494 оскуолаҕа (6298 кылаас) актированнай күннэр турдулар. Үөрэх дистанционнайдык ыытыллар.

802 оҕо уһуйаана үлэлээбитин курдук үлэлиир. Бүлүү улууһун Сыдыбыл нэһилиэгэр, Ленскэй оройуонун Ленскэй куоратыгар, Уус Майа Солнечнай нэһилиэгэр оҕо уһуйааннарыгар түөрт бөлөх сабыылаах.