Саха сиригэр Хотугу форум ыытыллыаҕа

Тирэхтээх сайдыы Хотугу форумун Россия арктическай сэбиэтин сүрүн тэрээһиннэригэр киллэрдилэр. Россия 2021 сылтан икки сыл устата сэбиэккэ бэрэссэдээтэллиэҕэ.

«Былырыыҥҥы форумҥа элбэх омук сирэ кыттыбыта. Россия тас дьыалатыгар министиэрстибэтэ болҕомтотуне уурбута. Биһиги форуммут Арктика сайдыытын боппуруостарын ырытыыга сүрүн былаһаакка буолуоҕа. Өссө биир былаһаакканан норуоттар икки ардыларынааҕы «Арктика – территория диалога» форум буолуоҕа», – диэтэ ХИФУ омук тылын институтун дассыана, Хотугу форум толорооччу дириэктэрин э.т. Дарьяна Максимова.

Кини этэринэн, форум Саха сирин Арктикатын сайыннарыыга улахан суолталаах. Быйылгы форум балаҕан ыйын 27-30 күннэригэр Дьокуускайга онлайн буолуоҕа.

Форум Саха сиригэр 2019 сыллаахтан ыытыллар. Манна 14 дойдуттан кытталлар. Тэрийээччи — Саха сирин бырабыыталыстыбата, «Северный форум» норуоттар икки ардыларынааҕы түмсүү уонна М.К. Аммосов аатынан ХИФУ.