50-тан тахса киһи уопсастыбаттан туоратыллаллара ирдэннэ

Саха сиригэр көтөн кэлбиттэрэ икки нэдиэлэ ааһа илик 54 киһи уопсастыбаттан туоратыллаллара ирдэннэ. Бу туһунан Ил Дархан Айсен Николаев өрөспүүбүлүкэҕэ коронавирустан олохтоммут усулуобуйа туругун боппуруостарынан суруналыыстары кытта көрсүһүү кэмигэр иһитиннэрдэ.

«Бүгүҥҥү күн туругунан Дьокуускай аэропордугар көтөн кэлбит 991 киһиттэн, 54 киһи тас дойдулартан кэлбиттэрэ икки нэдиэлэ ааһа илик буолан уопсастыбаттан туоратыллаллара ирдэннэ», — диэн Ил Дархан эттэ.

Барыларыгар тустаах ирдэбил тириэрдиллибитэ, ону тэҥэ сорохтор обсерваторияҕа киллэриллэллэрэ бэлиэтэнэр.

Инники этиллибитинэн, кулун тутар 21 күнүгэр коронавируһунан ыалдьыы саҥа түбэлтэтэ бэлиэтэммэттэ.