7,7 мөл. солкуобайтан тахса суума Саха сиригэр туризмы сайыннарар урбаанньыттарга көрүллүөҕэ

2021 сылга өрөспүүбүлүкэҕэ туризм эйгэтигэр үлэлиир урбаанньыттарга куонкурус биллэриллиэҕэ. Бу туһунан ТАСС иһитиннэрэр.

«2021 сылга туризм эйгэтигэр үлэлиир урбаанньыттарга көмө миэрэтэ олоххо киирэрэ былааннанар. Саха сиригэр сыл устата үлэлиир ис уонна киирии туризм сайдыытыгар туһуланар бырайыактары үбүлүүргэ субсидия куонкуруһа ыытыллыаҕа», — диэтэ СӨ урбаан министиэристибэтин салайааччыта Ирина Высоких.

Бу сыалга өрөспүүбүлүкэ бүддьүөтүттэн 7,7 мөлүйүөнтэн тахса солкуобай көрүллүөҕэ.

Урбаанньыттартан бэлэм бырайыак, ороскуот былаана, арендаҕа баар, эбэтэр бэйэ сир учаастага ирдэнэр. Үбүлээһин усулуобуйата — урбаанньыттан ирдэнэр грант сууматын 20 %-на, субсидия муҥутуур суумата биир мөлүйүөҥҥэ тэҥнэһэр.