700 киһи хотугу аҕыйах ахсааннаах норуоттар тылларынан дьыктаан суруйда

Саха сирин 21 улууһугар 42 былаһааккаҕа хотугу аҕыйах ахсааннаах төрүт норуоттар тылларынан дьыктаан суруйуута ыытылынна. Бу туһунан национальнай библиотека пресс-сулууспата иһитиннэрэр.

Тэрийээччилэр бэлиэтииллэринэн аахсыйаҕа 700-тэн тахса киһи кыттыыны ылла.

Дьыктааны суруйуу биэс тылынан ыытылынна: эбээннии, эбэҥкилии, чукчалыы, долганныы уонна юкагирдыы (ойуур уонна туундара диалектарынан).