700 тонна от умайыытын таһаарбыт дьалаҕай быһыынан холуобунай дьыала тэрилиннэ

Ойуур баһаардарын умуруоруу тэрээһинигэр, тэрилтэ салайааччыларын дьалаҕай быһыыларынан 700 тонна от умайбытынан, Амма улууһун борокуратуурата холуобунай дьыала тэрийдэ. Бу туһунан кэтиир уорганнар пресс-сулууспалара иһитиннэрэр.

Хоромньу 4,3 мөлүйүөн солкуобай суумаҕа тэҥнэстэ. Борокуратуура дааннайынан, 2020 сыл балаҕан ыйыгар ойуур баһаардара Абаҕа, Мээндигэ уонна Соморсун нэһилиэктэригэр бэлиэтэммит.

«Борокуратуура бэрэбиэркэтин түмүгүнэн, баһаары утары охсуһуу, баһаарга кутталлаах кэми эрдэ сабар туһунан быһаарыыны ылбыттар», — диэн иһитиннэриигэ этиллэр.

Маннык быһаарыы түмүгэр баһаары умуруоруу тэриллибэтэх, умайыы кэҥээн тыа хаһаайыстыбаларын учаастактарыгар тарҕаммыт. Ол түмүгэр кыстыкка бэлэмнэммит 700 тонна от умайбыт.

Билиҥҥи туругунан, борокуратуура хонтуруолунан силиэстийэ ыытыллар.