750 тэрилтэ санитарнай ирдэбиллэри тутуһууларын бэрэбиэркэлээтилэр

Административнай хамыыһыйа өрөспүүбүлүкэ 750 тэрилтэтигэр, ол иһигэр эргиэн кииннэригэр, ас-үөл, өҥө эйгэтигэр санитарнай нуорманы тутуһууга бэрэбиэркэ ыытта. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Алтынньы 18 күнүттэн 22 күнүгэр диэри өрөспүүбүлүкэҕэ 750 рейдэ ыытылынна. Роспортребнадзор уорганнара 38 сэрэтии уонна 39 бэрээдэги кэһиини туоратар суруктары биэрдилэр», — диэтэ бырабыыталыстыба бэрэссэдээтэлин солбуйааччытын э.т. Михаил Никифоров.

108 комиссионнай көрүү уонна 35 административнай кэһии аактатын боротокуола оҥоһулунна. 20 административнай дьыала суукка барда, 102 дьыала көрүлүннэ. 214 профилактическай бэсиэдэ ыытылынна.

«Дьокуускайга административнай хамыыһыйа 347 бэрэбиэркэни ыытта: 160 атыы-эргиэн тэрилтэтигэр, 50 уопсастыбаннай аһы-үөлү тэрийэр эбийиэккэ, 8 бытовой өҥө оҥорор кииҥҥэ, 5 фитнес саалатыгар», — диэтэ Михаил Никифоров.

Хамыыһыйа 101 аактаны уонна административнай кэһии 17 боротокуолун толордо.