9-тан тахса млрд солкуобайы тыа хаһаайыстыбатын өйөбүлүгэр тыырыахтара

2021 сылга 9-тан тахса млрд солкуобайы тыа хаһаайыстыбатын өйөбүлүгэр тыырыахтара. Бу туһунан ТАСС иһитиннэрэр.

««2022 уонна 2023 сыллары былаанныыр уонна 2021 сылга Саха сирин судаарыстыбаннай бүддьүөтүн туһунан» сокуон бырайыагар эһиилги сылга тыа хаһаайыстыбатын өйөбүлүгэр 9,8 миллиард солкуобай көрүлүннэ», — диэн министиэристибэ иһитиннэрдэ.

Ил Дархан Айсен Николаев суругар этиллибит, тыа хаһаайыстыбата оҥорон таһаарыытын өйүүр саҥа хамсааһыннарын олоххо киллэриигэ үбүлээһин сокуон бырайыагар учуоттанна. Онон, 2021 сылга 2 миллиард 862,5 тыһыынча солкуобайы үүт бородууксуйатын оҥорон таһаарыыга уонна 1 миллиард 253,1 тыһыынча солкуобайы — хаһаайыстыбаҕа бэйэ ынах-сүөһүтүн иитии өйөбүлүгэр тыырыахтара.

Санатан эттэххэ, 2021 сылга Саха сирин судаарыстыбаннай бүддьүөтүн туһунан сокуон бырайыагын Ил Түмэн мунньаҕын бастакы ааҕыытыгар ылыммыттарын туһунан иһитиннэрии тахсыбыта.