Аҕам саастаахтарга 1,5 тыһ. волонтер көмөлөһөр

Саха сиригэр балтаараа тыһыынча кэриҥэ волонтер кырдьаҕас уонна кэлэр-барар кыаҕа суох дьоҥҥо көмөлөһөр. Бу туһунан Ил Дархан уонна бырабыыталыстыба пресс-сулууспата иһитиннэрэр.

Ыччат дьыалаларыгар уонна социальнай коммуникацияҕа миниистир Степан Саргыдаев эппитинэн, волонтердар бөҕү тоҕорго, эмп-томп, ас ыларга, дьиэ кыылларын күүлэйдэтэргэ көмөлөһөллөр.

Волонтердар кииннэригэр 530 сайаапка киирбит, онтон 526-та толоруллубут. Сайаапка өрөспүүбүлүкэ бары оройуоннарыттан киирэр, онон хас биирдии улууска волонтердар этэрээттэрэ үлэлиир.

Волонтерскай куорпустарга хас даҕаны массыына көмөлөһөр.

Төлөпүөннэрэ: +7(800)-200-34-11, 7(914)-229-09-54