Ааспыт сууккаҕа 153 киһи коронавирустаата

Ааспыт сууккаҕа Саха сиригэр 153 киһи эбии коронавирустаата. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина иһитиннэрэр.

«Коронавируһунан ыалдьыы өрөспүүбүлүкэ 16 улууһугар бэлиэтэннэ, Дьокуускайга — 65», — диэтэ кини.

Миирнэйгэ 23 киһи ыалдьыбыта бэлиэтэннэ, Алдаҥҥа — 14, Нерюнгрига — 11.

Бүлүүгэ сэттэ киһи коронавирустаата, Мэҥэ Хаҥаласка — алта.

Аммаҕа, Булуҥҥа, Уус Алдаҥҥа -түөртүү, Ленскэйгэ уонна Өймөкөөҥҥө — үстүү киһи ыарыйда.

Кэбээйигэ, Тааттаҕа, Уус Майаҕа — иккилии, Намҥа, Хаҥаласка, Чурапчыга -биирдии киһи коронавирустаабыта бэлиэтэннэ.

Суукка иһигэр лабораторияларга 1 991 чинчийии, пандемия саҕаланыаҕыттан уопсайа 896 455 коронавируска тест оҥоһулунна.