Ааспыт сууккаҕа 166 киһи коронавирустаата

Ааспыт сууккаҕа Саха сиригэр 166 киһи эбии коронавирустаата. Бу туһунан өрөспүүбүлүкэтээҕи суһал штаб пресс-сулууспата иһитиннэрэр.

Ол курдук. Дьокуускайга 73 киһи ыалдьыбыта бэлиэтэннэ, Миирнэйгэ — 21, Нерюнгргига — 18, Алдаҥҥа — 17, Мэҥэ Хаҥаласка — 11, Бүлүүгэ — аҕыс.

Маны таһынан, Тааттаҕа уонна Чурапчыга биэстии уонна Уус Алдаҥҥа үс киһи ыарыйда.

Аммаҕа, Үөһээ Бүлүүгэ, Горнайга, Ньурбаҕа уонна Өлүөхүмэҕэ биирдии киһи ыалдьыбыта бэлиэтэннэ.

Суукка иһигэр лабораторияларга 2 281 чинчийии, пандемия саҕаланыаҕыттан уопсайа 894 464 тест оҥоһулунна.