Ааспыт сууккаҕа 65 киһи коронавирустаата

Саха сиригэр ааспыт сууккаҕа 65 киһи коронавирустаата. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина бүгүн, атырдьах ыйын 14 күнүнээҕи брифинигэр иһитиннэрдэ.

Дьокуускайга 41, маны таһынан Үөһээ Бүлүүгэ 9, Алдан оройуонугар уонна Бүлүү улуустарыгар түөртүү, Ленскэй уонна Нерюнгри оройуоннарыгар иккилии, Горнай, Мэҥэ-Хаҥалас улуустарыгар уонна Мииринэй оройуонугар биирдии киһи ыарыйда.

Алтыспыт дьон изоляцияланнылар. Биир киһи тыына быһынна.