Ааспыт сууккаҕа эбии 178 киһи коронавирустаата

Саха сиригэр ааспыт сууккаҕа 178 киһи эбии коронавирустаата. Бу туһунан суһал штаб салайааччыта Ольга Балабкина иһитиннэрдэ.

«Дьокуускайга 98 киһи ыарыйда. Нерюнгри оройуонугар ыалдьыбыт киһи ахсаанын үрдээһинэ тэрилтэҕэ ыалдьыы уонна олохтоммут эрэһиими тутуспат буолуу түмүгэр таҕыста. Ньурбаҕа, Намҥа уонна Аллайыаха курдук хотугу улуустарга алталыы киһи ыалдьыбытын болҕомтоҕо ууруохха наада. Өрөспүүбүлүкэ 15 улууһугар дьон ыалдьыбыта бэлиэтэннэ», — диэтэ кини.

Нерюнгри оройуонугар — 10, Ньурбаҕа — тоҕус. Намҥа, Өлүөхүмэҕэ — алталыы, Аммаҕа, Горнайга, Миирнэйгэ, Хаҥаласка — биэстии, Мэҥэ Хаҥаласка — түөрт киһи ыарыйда. Ленскэйгэ, Өймөкөөҥҥө, Уус Алдаҥҥа, Чурапчыга — үстүү, орто Халымаҕа — икки, Алдаҥҥа, Бүлүүгэ, Муомаҕа, Томпоҕо уонна Усуйаанаҕа — биирдии киһи ыалдьыбыта бэлиэтэннэ.

Ааспыт сууккаҕа коронавирустан үс киһи тыына быһынна.

Лабораториялар 6 386 корнавируска анаалыс, пандемия саҕаланыаҕыттан 611 993 тест оҥорбуттар.