Ааспыт сууккаҕа эбии 83 киһи коронавирустаата

Саха сиригэр ааспыт сууккаҕа эбии 83 киһи коронавирустаата. Бу туһунан өрөспүүбүлүкэтээҕи суһал штаб иһитиннэрэр.

Дьокуускайга 44 саҥа түбэлтэтэ бэлиэтэннэ, Миирнэй оройуонугар — сэттэ, Үөһээ Бүлүүгэ — алта, Мэҥэ Хаҥалас уонна Уус Алдан улуустарыгар — биэстии, Сунтаарга — түөрт, Нерюнгригэ уонна Чурапчыга — үстүү, Алдаҥҥа, Намҥа уонна Ньурбаҕа — иккилии.

Чугас алтыспыт дьонноро быһаарылыннылар уонна изоляцияланнылар.

Суукка иһигэр өрөспүүбүлүкэ лабораториялара уопсайа 4 019 коронавируска анализ чинчийиитин ыыттылар. Пандемия саҕаланыаҕыттан уопсайа 467 560 тест чинчийилиннэ.