Ааспыт сууккаҕа Саха сиригэр 214 киһи коронавирустаата

Саха сиригэр ааспыт сууккаҕа 214 киһи эбии коронавирустаата. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина бүгүн, ахсынньы 3 күнүнээҕи брифинг кэмигэр иһитиннэрдэ.

«Ахсынньы 3 күнүгэр, өрөспүүбүлүкэҕэ 214 киһи коронавирустаата, ол иһигэр 47 киһи ыарыыны илдьэ сылдьааччы. Дьокуускайга 110 киһи ыарыйда», — диэтэ кини.

Нерюнгрига 11 киһи эбии коронавирустаата, Алдаҥҥа уонна Миирнэйгэ — уоннуу, Горнайга уонна Мэҥэ Хаҥаласка — аҕыстыы киһи ыарыйда.

Маны таһынан Нам улууһугар алта , Үөһээ Дьааҥыга уонна Ленскэйгэ — биэстии, Үөһээ Бүлүүгэ, Өлүөхүмэҕэ, Сунтаарга уонна Тааттаҕа — түөртүү киһи ыалдьыбыта бэлиэтэннэ.

Үстүү киһи Бүлүүгэ, Кэбээйигэ, Ньурбаҕа, Өлөөҥҥө уонна Уус Алдаҥҥа, иккилии — Аммаҕа, Булуҥҥа уонна Чурапчыга, биирдии — Аллайыахаҕа, Муомаҕа, Өймөкөөҥҥө уонна Томпоҕо ыарыйдылар.

Суукка иһигэр лабораторияҕа 3 704 анаалыс, пандемия саҕаланыаҕыттан уопсайа 791 135 тест оҥоһулунна.