Ааспыт сууккаҕа Саха сиригэр 46 ойуур баһаара үөскээтэ

Ааспыт сууккаҕа өрөспүүбүлүкэ үрдүнэн 46 саҥа ойуур баһаара үөскээтэ, 26 — умуруорулунна. Бу туһунан ЫБММ өрөспүүбүлүкэтээҕи салаатын пресс-сулууспата иһитиннэрэр.

Бэс ыйын 30 күнүн туругунан Саха сиригэр уопсайа 1 218 193 гектар иэннээх сиргэ 171 ойуур баһаара бара турар.

Уоту умуруорууга бүтэһик сууккаҕа 831 киһи уонна 81 тиэхиньикэ кыттыыны ылла. Нэһилиэнньэлээх пууннарга уонна экономика эбийиэктэригэр куттал суоһаабат.