Ааспыт сууккаҕа Саха сиригэр 48 киһи коронавирустаабыт

Саха сиригэр ааспыт сууккаҕа эбии 48 киһи коронавирустаабыта бигэргэммит. Бу туһунан бүгүн, олунньу 23 күнүгэр өрөспүүбүлүкэтээҕи суһал штаб иһитиннэрдэ.

Дьокуускайга 30 саҥа түбэлтэ бэлиэтэммит, Миирнэй оройуонугар — алта, Нерюнгригэ уонна Орто Халымаҕа — үстүү, Дьааҥыга — икки, Алдаҥҥа, Аммаҕа, Мэҥэ Хаҥаласка уонна Томпоҕо — биирдии киһи коронавирустаабыт.

Ааспыт суукка устата өрөспүүбүлүкэ лабораториялара 582 коронавируска аналиһы чинчийбиттэр, пандемия саҕаланыаҕыттан барыта 959 540 тест чинчийиллибит.