Абыйга көстүбүт былыргы носорог сааһын быһаарыахтара

Абыйга Индигиир өрүс баһыттан булбут носорогтарын сааһын Швецияҕа палеогенетика киинигэр быһаарыахтара.

Носорог кырамтата көстүбүт сирин диэкиттэн 2014 сыллаахха Саша носорогу оунна 2019 сыллаахха пещера хахайдарын Спартаны уонна Бориһы булбуттара.

Носорог тириитэ, уоргана бүтүннүү баар. Бу туһунан Наука академиятын Сэлии фаунатын салаатын салайааччы Валерий Плотников иһитиннэрдэ. «Носорог атырдьах ыйыгар көстүбүтэ. Өрүс кытылыгар ирбэт тоҥ ирэн, таска тахсан хаалбыт этэ. Эрдэ булуллубут Халыма носорога Сашаҕа холоотоххо, быдан элбэх уоргана, тириитэ бүтүн. Хойукку лейстоцен кэминээҕи буолуон сөп», — диир учуонай.

Кыыл муоһа кытта хаалбыт. Очоҕоһун чинчийэн, тугунан аһыы сылдьыбытын, оччотооҕу кэм айылҕатын быһаарыахтара. Быһа холоон сааһын этэргэ биир тииһин ылбыттар. Учуонай этэринэн, муоһунан сылыктаатахха, 3-4 саастаах буолуон сөп. Носорог тот, онон аччыктаан өлбөтөх, баҕар кутаҕа түспүт буолуон сөп.