АЭБ Уһук Илиҥҥэ орто уонна кыра урбааны өйүүр сүрүн тирэх буолуо

Өрөспүүбүлүкэ бырабыыталыстыбатын бэрэссэдээтэлэ Владимир Солодов Россия киин баанын бэрэссэдээтэлин солбуйааччы Ольга Полякованы кытары көрсүһүүгэ «Алмаасэргиэнбаан» инники сайдыытын стратегиятын дьүүллэстэ. Бу туһунан Ил Дархан уонна бырабыыталыстыба пресс-сулууспата иһитиннэрэр.

«Ольга Васильевна баан туруктаах буолуутугар ыытыллыбыт үлэни үрдүктүк сыаналаата уонна «Алмаасэргиэнбаан» Уһук Илиҥҥи уокурукка эрчимнээх уонна инники сайдар кыахтаах кредитнэй тэрилтэлэртэн биирдэстэрэ буоларын бэлиэтээтэ», — диэн Владимир Солодов эттэ.

Сотору кэминэн цифровой уларытыылары киллэрии ыытыллыахтаах, бу баан үлэтин хаачыстыбатынан, түргэнинэн уонна табыгастааҕынан Россия улахан бааннарын кытары биир кэккэҕэ турарыгар кыах биэриэ диэн бэлиэтээтэ.

Бырабыыталыстыба бэрэссэдээтэлэ кэлэр сылларга «Алмаасэргиэнбаан» Уһук Илиҥҥи уокурукка кыра уонна орто урбаан сүрүн тирэх баана буолуо диэн эбэн эттэ.