Ахсынньы 25 күнүгэр өрөспүүбүлүкэҕэ күн-дьыл туругунан сорох улуустарга үөрэх тохтоото.
Өлөөн сорох нэһилиэнньэлээх пууннарыгар үөрэх тохтоото.
«Өймөкөөҥҥө салгын температурата -53 кыраадыска тэҥнэһэн, 1-7 кылаастар үөрэммэттэр. Томтор уонна Үчүгэй диэн бөһүөлэктэргэ -52 кыраадыс буолан, 1-5 кылаастар үөрэхтэрэ тохтоото. Сордоҥноох бөһүөлэгэр салгын температурата -55 кыраадыска тэҥнэстэ, онон кылаас барыта үөрэммэтэ», — диэтэ улуустааҕы ЕДДС.
Маны таһынан, ахсынньы 25 күнүгэр Чурапчыга уонна Аммаҕа салгын температурата -50-53 тэҥнэһэн, 1-11 кылаастар үөрэхтэрэ дистанционнай көрүҥүнэн үөрэтиигэ көстө.
Горнайга -49 кыраадыс буолан, 1-8 кылаастар үөрэммэтилэр.
Хаҥалас улууһугар -50 кыраадыс бэлиэтэнэн, 1-10 кылаастар үөрэхтэрэ тохтоото.
Нам улууһугар -46 кыраадыс буолан, 1-5 кылаастар үөрэммэтилэр.
