Ахсынньы 31 күнүгэр диэри Ленин проспегын учаастага сабыллыаҕа

Алтынньы 26-тан ахсынньы 31 күнүгэр диэри Ленин аатынан проспект өссө биир учаастага сабыллыаҕа. Бу туһунан куорат дьаһалтатын пресс-сулууспата иһитиннэрэр.

Хапытаалынай өрөмүөн ыытылларынан Кулаковскай аатынан уулуссаттан Октябрьскай уулуссаҕа диэри учаастак сабыллыаҕа.

Хааччах болдьоҕо чуолкайданарын туһунан иһитиннэрэллэр.

Оптуобустар саҥа бигэргэтиллибит схеманан сылдьыахтара.

Санатан эттэххэ, алтынньы 20 күнүттэн Кулаковскай аатынан уулуссаттан Петровскай уулуссатыгар диэри учаастак өрөмүөҥҥэ сабыллыбыта.