Ахсынньыга Бүтүн Арассыыйатааҕы «Кылгас кээмэйдээх киинэ күнэ» диэн аахсыйа ыытыллыаҕа

Ахсынньы 15-25 күннэригэр дойду 85 эрэгийиэнигэр «Кылгас кээмэйдээх киинэ күнэ» диэн аахсыйа ыытылларын туһунан «Якутия 24» телеханаал иһитиннэрэр.

Аахсыйа чэрчитинэн Арассыыйаҕа уонна тас дойдуларга уһуллубут араас жанрдаах киинэлэри онлайн көрдөрүөхтэрэ, киинэ индустриятын бастыҥ үлэһиттэрин кытта маастар-кылаастар ыытыллыахтара.

«Көрөөччүлэргэ анаан “Звезды в коротком метре”, “Фестивальные хиты”, “Кино будущего”, “Анимация. 12+”, “Анимация. 0+”, “Семейное кино”, “Документальное кино”, “Международная программа”, “Альманах Счастье — это. Часть 2” » бырагыраамаларынан тоҕус кылгас кээмэйдээх киинэни көрдөрүөхпүт. Документальнай киинэлэргэ анаан туспа бырагырааманы бэлэмниэхпит», — диэн иһитиннэриигэ суруллар.

Маны таһынан, «Кылгас кээмэйдээх киинэ түүнэ» ыытыллыаҕа, киинэ эспиэрдэрэ түмүгү таһаарыахтара уонна киинэ эйгэтин биллиилээх үлэһиттэрэ кыттыылаах «Мин бастакы кылгас кээмэйдээх киинэм» диэн флешмоб ыытыллара былааннанар.

Аахсыйа ахсынньы 21 күнүгэр буолар кылгас кээмэйдээх киинэ норуоттар икки ардыларынааҕы күнүгэр ананан ыытыллар. Арассыыйаҕа бу аахсыйаны аан бастаан 2014 сыллаахха кинематографистар сойуустарын ыччатын киинэ тэрийбитэ.