Айаал Лазарев Гран-при финалыгар үрүҥ көмүс мэтээли ылла

Саха бөҕөһө Айаал Лазарев сэтинньи 8 күнүгэр «Москва-2020» көҥүл уонна греко-римскай тустууга аан дойдутааҕы Гран-при финалыгар үрүҥ көмүс мэтээли ылары ситистэ.

Бүтэһик түһүмэххэ Кыргызстан хамаандатын аатыттан кыттар саха спортсмена 125 киилэҕэ диэри ыйааһыҥҥа Россия хамаандатын аатыттан кыттар Шамиль Шариповы кытта күөн көрүстэ.

«Шамиль Шарипов тушенан кыайыыны ситистэ», – диэн Россия спортивнай тустууга федерациятын таблицатыгар этиллэр.

Инники түһүмэххэ Айаал Лазарев Азербайджан бөҕөһүн Ислам Абуевы 10:0 ахсаанынан кыайбыта.