Айаал Лазарев көҥүл тустууга Азия чөмпүйэнээтигэр кыттыаҕа

Саха бөҕөһө Айаал Лазарев олунньу 22-23 күннэригэр Нью Делига ыытыллар Азия көҥүл тустууга чөмпүйэнээтигэр Кыргызтан сүүмэрдэммит хамаандатын аатыттан кыттыыны ылыаҕа. Бу туһунан «Спорт Якутии» иһитиннэрэр.

Саха спортсмена 125 киилэҕэ диэри саамай ыарахан ыйааһыннаах бөҕөстөр бөлөхтөрүгэр тустара бэлиэтэнэр.

Бу сыл саҥатыгар Айаал Лазарев Бишкекка ыытыллыбыт национальнай чөмпүйэнээккэ эрэллээхтик кыайан, бэйэтин бөлөҕөр бастыҥ аатын төннөрбүтэ.

Инники этиллибитинэн, саха бөҕөһө Европа көҥүл тустууга чөмпүйэнээтин кытааччыларын барыллаан испииһэгэр киирбитэ.