Айсен Николаев Дмитрий Глушкону кытта Саха сиригэр үөрэҕирии сайдыытын дьүүллэстэ

Ил Дархан Айсен Николаев Россия үөрэхтээһинин миниистирин солбуйааччы Дмитрий Глушкону кытта орто анал үөрэхтээһин систиэмэтин уонна экономика хайысхаларын сайыннарыыга кадырдары бэлэмнээһин боппуруостарын дьүүллэстэ.

Айсен Николаев Дмитрий Глушкону саҥа дуоһунаска ананыытынан эҕэрдэлээтэ уонна инники үлэтигэр ситиһиилэри баҕарда.

«Инники бииргэ үлэлээһиммит түмүгэ өрөспүүбүлүкэ үөрэҕириитин сайдыытыгар төһүү күүс буолуо диэн эрэнэбин», – диэн эттэ.

Россия үөрэхтээһинин миниистиэристибэтэ Саха сирин ситиһиилэрин, ону тэҥэ «Үөрэҕирии» национальнай бырайыагы хаачыстыбалаахтык толоруутун бэлиэтиирин Дмитрий Глушко иһитиннэрдэ.