Айсен Николаев Дьокуускай сыбаалкатын боппуруоһун быһаарарга соруйда

Ил Дархан Айсен Николаев Дьокуускай куорат сыбаалкатын полигонун саҥардардыы боппуруоһун быһаарарга соруйда. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Бүлүүлүүр суол тохсус килэмитиригэр баар киин куорат сыбаалкатын саҥардыы боппуруоһа турбута ыраатта, ол да буоллар үлэлэр саҕалана иликтэр», — диэн Ил Дархан эттэ.

Полигоҥҥа сотору-сотору бөх умайыыта тахсарын, ол буруота салгыны сүһүрдэрин уонна Дьокуускай куораты киртитэрин бэлиэтээтэ.

«Саҥардыы болдьоҕун салгыы уһатар сатаммат, кылгас кэм иһигэр боппуруоһу быстах схеманан да толорор быһаарыы ылыллара ирдэнэр», — диэн Ил Дархан тоһоҕолоото уонна өрөспүүбүлүкэ бырабыыталыстыбатыгар тустаах сорудах биэрдэ.