Айсен Николаев: Өлүөнэ муостатын тутуутун туһунан сөбүлэһиитэ — сүдү суолталаах

Ил Дархан Айсен Николаев Өлүөнэни туоруур муоста тутуллуутун туһунан концессионнай сөбүлэһии туһунан быһарыы биэрдэ.

«Бырайыактыыр үлэлэлэр былааннаммыт болдьохтон хаалбаттарын туһугар, чинчийии үлэлэрин бүгүҥҥү күнтэн саҕалыахпытын наада. Ирдэнэр үлэлэри барытын өрүс эстиэр диэри бүтэрэр сорук турар», — диэн Айсен Николаев эттэ.

Бырайыактыыр үлэлэри ыытыы кэмигэр, ирдэнэр ороскуоттары концессионер уйунар. Федеральнай уонна өрөспүүбүлүкэ былааһын уорганнара бырайыагы бигэргэппитин эрэ кэнниттэн, тустаах үп бүддьүөттэн көрүллэрин Ил Дархан бэлитээтэ.

«Биһиги партнердарбыт бэйэлэрин хайысхаларыгар биир бастыҥнарынан буолаллара үөрдэр. Кинилэр билиилэрин кыаҕа уонна уустук технологическэй соруктары быһаарыыга сыһыаннара муоста тутуутун бырайыагын кылгас кэм иһигэр олоххо киллэрэргэ көмөлөһүөхтэрэ диэн эрэнэбин», — диэн өрөспүүбүлүкэ баһылыга түмүктээтэ.

Санатар буоллахха, олунньу 13 күнүгэр Москваҕа Өлүөнэ өрүһү туоруур муоста тутуутун туһунан сөбүлэһиини СӨ бырабыыталыстыбата, «Ростех» госкорпорация уонна ВИС бөлөх баттаабыттара.